《9w4d》極力推介我既婦產科醫生林兆強

4月12《9w4d》話說琴日我去大便時, 抹到有一點啡血, 之後蝦餅都問係唔係屎水.
心驚驚於是今日就請病假, 諗住休息下就算, 去普通clinic睇, 點知激死我, 個死人黃綠醫生就我有小產徵像. 於是我即打比翹康醫務所問可唔可以改期做今日睇陳帆醫生產檢, 其實我未睇過陳醫生, 我本來約左11週先睇. 點知陳醫生只睇上午, 下午就冇. 於是clinic安排我第2個婦產科醫生林兆強, 問我得唔得?? 到哩個時候冇得say no la! 即book最早既時間 4:00

4:10我先去到, 之後我就拿左媽媽會form登記拿禮品, 美贊臣包被, cordlife同healthybaby紗巾各一, 雅培手抽袋, mustela濕疹膏任拿

推介mustela濕疹膏, 我塊面濕疹好嚴重, 用左第一日已經好左, 諗住下次去再拿多幾支.
我估mustela濕疹膏應該幾貴, 不如用佢既sample save返錢比BB好過

join完媽媽會之後, 就第一次見林兆強醫生啦!! 初初蝦餅仲worry男醫生.
佢係值得推介, 先問病歷, 再吹水. 傾左好耐, 全個過程連照肚大約半個鐘
林醫生好無架子, 仲比佢手提我, 叫我以後夜晚有時就即搵佢. 
我: 我嘔到好辛苦
林: 嘔係好野來架, 反而唔嘔既媽媽仲驚. BB釋放左荷爾蒙而令你嘔, 即代表BB起到成長緊, 忍到14週啦!!就會唔嘔架啦!!
我:有咩方法可以止嘔
林:你而加可以食梳打餅, 多士, 我唔期望你食固體食物, 同埋叫蝦爸買多d咸濕野比你食.
我: 我痾唔到屎, 要三日先有一次
林:食西梅, 飲西梅汁
我:我做齊, 但嘔哂出來
林:咁樣唔得wor, 一定要日日都有得痾, 我開藥水比你啦!!
(仲要教我有幾種去便便既方法)
於是講返琴日去大便件事比林醫生聽.
林: 好啦!!我地照肚仔先啦!!

蝦爸第一次見蝦b, 蝦b仲拍腳仔同蝦爸say hello, 好得意~
蝦b心跳比同期bb快, 因為蝦b令蝦媽脫水, 林醫生仲話蝦媽起碼有5%脫水, 要我飲多d水.
照照下, 林醫生話蝦b胎盤有10%脫左出來變做血, 嚇親我, 但林醫生話係正常, 好多媽媽都係咁, 於是佢要我打安胎針同比左8日sick leave我, 我又可以休息啦!!!

蝦b同大家say hello

林醫生收費好合理, 照肚加傾左勁耐計$500, 安胎針$200, 便便藥$210, total$910
唔算貴, 但吸收左好多知識