終於到大家成日問我既問題!!今次既婚享係我揀MUA既經過.
婚享3, 提到我係後知後覺先搵MUA.
上網search過MUA, 最鍾意都係Sum Sum, 但佢誇張到2年前已經冇我期了.
最想Join Sum Sum既原因, 係佢可以將一個豬扒變美女. 說真的, 唔係誇張
佢好似有對魔術手
極度灰底, 試過搵埋May Chong, Jackco, Sandy Wong都冇我期.
反正咁多紅牌MUA都冇我期, 於是我就開始搵免費試妝or做model. 希望搵到個岩啦!!! Budget其實冇所謂, 最緊要岩我心水.
我前後total試左6次免費妝. 有星級, 有學徒. 最終都搵到個岩心水
第1次試妝, 10年7月10, Jaffe Tsang, 佢係星級MUA, 幫過好多明星化妝.
佢當時都係搵model 儲profile所以先free makeup
當時既價錢 $4900 早加全晚, 即時join平$1000.
http://www.jaffemakeup.com/index.html
講真佢化得我幾Sweet, 不過set頭就唔係好得. 所以我都冇即時confirm.
第2次試妝, 10年7月20日, ting (老公個堂妹)
佢唔收我錢, 不過我就要比封$2000利是
奶奶超想我揀Ting, 話哂親戚. 其次係收得咁平.
不過, 我既心態點都要睇左個妝先算.
一化完個妝, 老公即話太厚粉, 同埋化得太白, 不過佢就好鍾意個褂頭.
唔知係唔係我著既衫影響到個妝定點啦!! 我覺得自己好似老左幾年.
於是我再相約ting再試多次妝.
10年8月25, 第2次ting幫我化妝
今次明顯比上次輕手少少, 終於覺得自己young左好多. 不過個頭就真係唔得. 雖然佢話冇用hair spray. 最後, 我同老公分析過寜願比多少少錢請個MUA
經過Ting既錯敗感, 期求第3次試妝令我回復青春
10年7月25, Candy, 化妝年資淺
當時既價錢, $3888 全日
http://hk.myblog.yahoo.com/candyccmakeup
個頭太亂啦!!而且台式又唔似台式. 一定唔會考慮
唔經唔覺第4次試妝啦!! 10年8月19, Ellen@charming image, blog界大紅人, 所以我信得過佢, Ellen搵free model都係因為佢學完新既台式頭, 想搵model練習. 我真係有幸成為其中一個.
當時$5288 早上, 下午各一頭一妝, 再加全晚任set 頭, 送件娘妝
http://www.facebook.com/charmingimage?ref=ts
今次超鍾意,終於變番個美女. 古典美~
Ellen仲整左我最鍾意既蝴蝶結頭(其實我request), 而且個妝我都好鍾意, 化完妝都冇紋, 而且又唔濃.
Ellen又會幫我分析我既髮型, 前陰太少太薄, 於是想盡方法改變我既髮型
不過老公就覺得中庸.
本想立即比錢book, 但原來另有6條1既新娘比左錢試妝, 不過就未試妝.
因為我係free model, 所以如果另一6條1唔用Ellen, 我先可以Book佢.
唔經唔覺試左2個月妝, 希望可以快快搵到岩自己既MUA
第5次試妝, 10年8月27, CoCo @destiny
當時價錢$6288全日包6個姊妹, 如果Join就有5%off
http://hk.myblog.yahoo.com/destiny_makeup
Coco搵model練妝, 睇頭4張相個妝好似好淡, 不過當我自己影番張相時, 就知道有幾濃妝. 而我本人唔太鍾意濃妝, 濃妝好容易會有乾紋
老公覺得咁多個MUA, 最鍾意Coco.
而Coco係6個MUA中最貴, 不過佢就包好多野, 6個姊妹,or奶奶or媽媽妝
最後一次免費試妝, 10年8月28, Sylvia
佢雖然年資淺, 但佢都幫過明星化過妝
http://blog.yam.com/muysvanity
化左出來都幾嚇人, 所以冇問佢價錢, 一定唔會考慮
6個MUA中, 只會考慮Coco, Ellen 同 Jaffe .
Coco同Ellen比較平均, 而Jaffe化既妝我係最接受, 不過set頭就差少少.
想知我揀邊個MUA, 請留意下回評分吧!!
總結: MUA好重要, 以我為例, 可以化到好Sweet, 可以化到好老.
所以一定要搵過岩自己既MUA.
最重要一定要試妝, 唔試妝都唔知個MUA岩唔岩你自己, 紅牌MUA除外.
大部分既新人都鍾意淡妝, 包括我在內. 學左新娘妝先知, 化濃妝, 影相出來先會好睇. 當然, 只限於Wedding, pre-wedding, 出show既時候.
P.S. 所有既價錢都係講緊10年, 我相信12年大部分MUA都加哂價.
沒有留言:
張貼留言