評分: 6條1@旺角道煌府

為答謝旺角道煌府(簡稱: 旺府), 必須要打哩篇Blog, 所有事情都是如實報道

評分: 95分 (大部份非常滿意)

首先多謝陳經理幫我由5條1(2011年11月1日)成功轉到6條1(2011年11月11日)結婚. 令我同老公都可以有個永世難忘既日子.

陳經理有樣野好, 就係唔怕比我煩.

由
於6條1係特別日子, 完美主義者既我就想有個好好睇睇既禮婚. 所以我成日都會煩住陳經理, 甚至乎連Kit都覺得我好煩. 可能成日煩住佢地,
次次我打去我未開口講自己個名, kit一定問鍾小姐有咩幫到你?? 哈哈~~連我把聲都認到真厲害. (真係好有親切感)

基本上酒樓每個角落我都有Decoration, 連走廊, 台下既燈箱我都唔放過

結婚前2天, 2011年11月9日, 由於我太多野要佈置酒樓, 我大膽地問陳經理可唔可以比我放哂所有野?? 陳經理一口答應. 太好啦!!!! 減除我最大既煩惱.

結婚當天, 感激酒樓員工,兄弟姊妹們及blogger一齊幫手佈置得靚靚

由於酒樓本身是用燈箱, 我特別搵vendor租左白色毛毛地毯, 務求影相靚d.

另有一個問題陳經理已同我講過, 燈箱上地毯一定要用防滑墊, 否則會好容易滑倒地上. 由於6條1係旺日, vendor要求陳經理婚前一晚 (即11月10日)安裝地毯. 陳經理都答應.

結
婚當日我比大家(包括酒樓上下員工)太大壓力了. 佢地做任何事都好小心, 好謹慎. 當我影影下相時, 我走出reception搵陳經理,
因為比我發現佢播錯片. (其實我total有4攝片, 包括成長片段, 相識片, 早拍晚播, 婚紗相slideshow)
陳經理差少少誤以為婚紗相slideshow係成長片, 幸好我及時發現先可以避免哩個重大錯誤. 其實都唔可以完全怪責陳經理,
可能兄弟姊妹錯誤既溝通.

另一大讚旺府就是酒樓上下員工非常合作, 我有一個少少請求, 就是希望上豬時, 所有上菜員都帶上皇冠. 結果依足我既要求, 大讚~ 睇相就一目了言

當然旺府員工非常細心, 特別係kit適心照顧, 又抱我, 又幫我拿野食.

6條1婚禮攪得非常成功同完美都係有賴旺府上下員工

我同老公都好感激你地, 縱使之前你地有Bad comment, 只要做好自己應有既本份就可以.

加油, 要努力為每對新人攪好個wedding.