《27w》Sophie 牙膠公仔

《27w》原來哩排好忙, 忙到連寫blog都唔得閒寫.
去完8月bb展都搵唔到法國製造既Sophie, 所以我決定上網買, 都算幾平, $130連埋牙膠.
我估蝦條會好鍾意.

今日成朝都好肚痛, 交收完Sophie就趕去沙田搵林醫生. 蝦條而加2.42磅啦!! 林醫生話touchwood早產都夠磅數, 當然我最唔想既事.

子宮夠厚唔似會早產, 所有野正常, 可能係假宮縮或蝦條踢得我太大力.
林醫生話蝦條鼻大, 眼大, 訓緊教都識得張開口. 蝦條好得意

《26w5d》面包超人學行車+沖涼巾+chu chu刷+tt奶煲+thomas碟

《26w5d》今日約左個2個媽媽食tea, 順便交收返大家既野

我最好既朋友知道9.28我攪baby shower, 佢專登買哩個禮物比蝦條. 今日我仲專登去埋元朗拿. 我99一見到就話好靚, 佢好易思叫我比佢孫女玩, 我同我99講我朋友係買比我個仔玩而唔係買比佢個孫女.如果你想比你孫女玩, 就叫你個女買啦!!! 我99仲話最多起屋企玩, 痴線都話左比我個仔玩lo. 我真係未出聲講, 你咁鍾意你可以買比你個孫女架.

哩條沖涼紗巾我朋友推介我買, 寶媽幫我買左三條要來包身用. $100 三條, 應該係我見過之中最平.

而咖哩幫我買左三樣野.
Chu CHU 海棉洗奶樽刷, 佢朋友因為去日本旅行所以順便買埋, 香港如果一套買, 最平都要$50-$60, 而加日本買大送細, around $30-$40因為未有Statement所以未知真實價錢.
唔講唔知刷都有分2隻, 一隻海棉, 另一隻係傳統.
上網睇如果用膠樽就要用海棉, 而且海棉冇咁易破壞奶樽既quality,

咖哩係渣打職員, 有staff discount買thomas dvd, $100三隻MQ系列.
我覺得品德對我個仔來講係最重要, 所以我就買左哩套碟.

買奶煲時都諗左好耐, 買邊隻, 聽最多人推介都係TT 同Avent.
tt係平靚正, Avent係貴靚正
我最後買左tt, 因為咖哩有朋友tt做, 有staff discount, 但其實唔係平左好多, 都要$300冇樽, 但有一年保養. 我見bb care都係賣$399

《26w2d》Nature's mother foot & leg cream

《26w2d》雖然我而加有join到孕婦按摩, 但平時都要keep住查野, 哩支係極力推介, 好好用, 試過用佢既sample, 但因為唔係周圍有得買架, 佢係made in USA. 居然美國仲貴過香港, 香港只係賣$160支. 哩隻cream係foot cream來, 有燒腫, relax function, 咁我就可以有美美腿啦.

《25w4&5d》BB展

《25w4&5d》結婚時去得最多就係婚紗展, 而加有蝦條, 當然以後都要去BB展啦!!
大型BB展一年得2次. 好在我趕到去8月哩個大型BB展. 一連去左二日, 我都覺得自己好Crazy.
買既野反而唔多. 但gift就多不勝數.

第一日bb展, 我同蝦子餅一入去第一件事就係買playmat. 韓國牌子Dwingerler-comflor playmat 大碼 (2100x1400x13mm), 一張好既playmat好重要, 因為太薄bb會好易整到. 今次bb展只限大碼on sale, 超超超平(經我價格, fb online bb shop 賣$938) , 而加半價左$585, 仲要每日限10張only, 之後果d就正價. 不過都要睇返自己屋企放唔放到, 因為都幾大張, 我同事就係因為太大所以放棄左.
我仲未拿所以未有相睇, 不過我係買北極熊, 希望蝦條鍾意啦!!
最後Join埋kinetics k1 plan, 因為政府既針唔夠, 所以要join埋補針plan, $2650 貴上次bb展$50, 冇法都要join ga la!!! 
今日既消費: $585 + 2650 = $3235

而哩到全部都係gift來. 買一本荷花書仔就有咁多gift. 抵~
希望賣得出幫補呀媽既銀包

 
第二日, 其實琴日去完我已經好累. 不過bell今日又約我去血戰BB展, 今日買左3樣野. 
cc lok濕棉 $80 120片, 一本puzzle書仔用couple加$28, 另一本拉卡書仔$29
今日既消費: $80 + $28 + $29 = $137
p.s.
二日加埋既消費: $137 + $3235 = $3372

今日得我一個人拿, 拿左咁多gift, 我覺得自己好叻. 今日我都冇再買書仔, 我只係用埋琴日用淨果本.  因為太重, 我最後都要taxi