《16w3d》美贊臣講座

《16w3d》今次第2次參加啦!! 禮物同上一次一樣, 只係少左kingcow. 因為雜誌超皇我仲拿少左一本.
今日同yen同一個講座, 仲一齊聽, 你真係大膽差唔多生仲出去聽講座, 頂你唔順

《16w2d》bbcare+biolane 講座

《16w2d》又到一星期一次過寫blog, 加回留言.
本來今個星期有3個講座去聽, 因為頭暈暈關係, 所以去少左一個.
今日哩個講座超正, 淨係哩套野要成$168, 去多d講座既好處就係咁.

7:00準時到, 點知冇啦啦有個女仔走來同我傾計, 原來佢係biolane既marketing.
我問佢有冇意想sponsor我地蛇媽會720gathering, 佢話有意. 哈哈~~~~估唔到咁都可以r到sponsor, 我都頂自己唔順.

《15w6d》 Tommee Tippee 暖奶器

《15w6d》不經不覺聽日就4個月, 我已經為蝦條預備左好多野.
又起fb谷到換到一個好實用既bb野, 全新tt暖奶器. 原價要$255, 就算on sale 都要$215.

tt暖奶器最好就係夠闊, 可以放咩奶樽到都得.

換哩間機時, 我仲發生左一樣野.
居然暈左起街, 嚇死我, 我用意志力起身, 迫自己附近M記, 坐左一陣叫蝦餅來接我返屋企.
蝦餅話我應該中暑, 佢仲鬧我唔好為左少少野去換
咁我一心諗住生完唔做, 想慳得就慳嗎. 算啦!!我會諒力而為

《15w5d》Ruby Tuseday

《15w5d》聽完講座, 即趕下場gathering, 我地5月1先見面, 咁快又再見面.
每次同哩班blogger傾計, 我都好開心. 今次大家都講bb經, 哩班blogger之中仲有幾個未有bb.
我相信不久既將來同我一樣, 期待蝦條來臨既一日.

《15w5d》美素佳兒講座

《15w5d》去到今日, 原來已經聽左第12次講座, 老實講真係幾悶下, 佢地講既內容我可以背出來. 不過每個講座講既野都有唔同~~

今次我係為左三角枕而參加架~~

而加係為禮物而參加, 唔係為聽講座而參加啦!! 我終於明白點解咁多媽媽話預備bb仲忙過籌備結婚啦!!! 下星期有3個講座, 有排忙. 由於太忙我多數儲埋一次過po blog

禮品: 三角枕, 口水肩, 7包媽媽奶sample, 加一本書

《15w1d》My bb 講座

《15w1d》從來冇一個講座會早放, 見到My bb 講座千期唔好參加, 一來好悶, 二來禮物一d都唔吸引. 我仲好後悔, 中間支野查bb pat pat仲要差唔多過期先送比人lo!!

《15w》swing maxi 電動雙奶泵

《15w》哩頭買完平價百靈牌耳探, 果頭又收到美國寄來既swing maxi 電動雙奶泵.
swing maxi係最新款, 出左一個月都冇.
話說5/5媽媽谷有個媽媽同大家講去amazon哩個網買swing maxi, 只做一日特價居然包埋郵唔洗$1400. 好抵呀!!! 我就即買, 不過要join做member, 因為一年member要比50磅, 好多媽媽唔想take risk就唔買. 其實收到貨即cancel member就可以唔洗比member fee(因為頭3個月係free). 於是我博一博.

今日收到啦!!! 比預期早左一日收到貨. 非常好, 入面有埋2個奶樽架, 有乾濕2日電, 但我朋友同我講, 入電芯會冇乜力. 總結:真係好抵買, 我而加見香港最平做團購都要$2800. 足足平左一半~

《15w》百靈牌耳探

《15w》蝦條未出世, 蝦媽已經幫佢準備左好多野. 有左蝦條, 我聽得最多就係朋友叫我一定要買百靈牌耳探. 超好用

今日係jusco 最後一日做9拆
我買左model: 4020 (得一個記憶only)
原價:$505, 我見咁多次最平係479.9
今次原來電腦出錯左價錢係459.9, 買$300用aeon card仲有$30coupon.
於是我一於void單來平多$30, 其實唔得架, 只係暫時未有野買住.
void一void單用左成個鐘, 不過值得既.
最後$429.9買左, 真係好抵. 呀e話送比蝦條既禮物啦!!!

《14w6d》平價媽媽用品

《14w6d》多得yen man教識我入平價/二手媽媽谷, 我先買到咁平既媽媽用品
$20 6條換褲(護協都要$55), 免沖水洗頭$50(媽媽專門店$120), 床墊我3塊用口水肩換. 堅抵~~~ 坐月既野又完成一大步啦!!!

《14w6d》百家寶bb展

《14w6d》因為未去過任何bb展, 就當見識下. 聽其他媽媽講哩個bb展cheap到冇朋友, 咩都冇得換.可能我係最後一日啦!!! 我既收獲唔錯. 我同我朋友一齊去, 我仲叫佢扮大肚幫我拿禮物比蝦條. 尿片墊好得. 今次來既目的就係要拿toyrus既vip, 平時要買滿$300先可以join, 今日free仲有片片送, 正~

佢地話機場果次bb展有50塊片片拿... ...可惜太遠, 車錢都起返到.

《14w5d》518 蛇媽會gathering

《14w5d》開左fb蛇媽谷, 終於攪第一次gathering啦!! 我係其中一個攪手, 我負責搵埸, 因為會所好煩要2個星期前先可以confirm, 所以一路拖拖拖, 最後firm左荃灣愉景新城會所
除左搵埸, 我仲搵埋ball ball deco 做sponser. 但其他admins都非常好, 搵左好多sponsor.

是次gathering每人$53, 又食又拿都係五十幾數, 好正~~~~不過真係好辛苦, 下次一定要搵個場唔好煩到自己咁多野

大合照, 有大有細

好鍾意蛇波波decoration

成班對住條蛇癲左

哩個工作人員就係sponsor我地波波deco, 仲整左2個, 好正~

我地預備既野食, 最鍾意食sushi, 當然係熟架啦!!好耐冇食過啦!!!

sponsor一袋袋, 禮物有濕巾, 太正啦!!!

My diy for u 31

係唔係好耐冇見我呢, 哩幾個月靚太真係好辛苦, 明白咩叫害喜啦!!

繼忙完6條1, 來緊靚太又要忙4條1既diy啦!! 蝦條唔知會唔會咁準時同大家見面呢?

雖然辛苦, 但我都要搵奶粉錢. 上2星期到而加先得閒post.

靚太會整好多蝦條既diy, 到時有興趣可以再搵我呀!!

《14w3d》六甲村托腹帶+收腹帶

《14w3d》終於都忍唔住買托腹帶+收腹帶, 上網做左好多research, 仲親身去荷花試.
交叉式托腹帶真係好正. 我可以用啦!!!蝦條大得太快, 蝦媽個肚又大得好快.
我仲順便買埋收腹帶, 係唔係想知點解咁快知買咩size呢, 我係跟據媽媽會既媽媽experience而買, 本來想買M(35寸以下). 我相信聽有經驗既人好過Sales.

我又再攪團購, 不過今次太多人買, 攪到我超亂

自今次團購, 我以後都會以小數為主, 唔係我會癲

團購價: 托腹帶$379, 收腹帶$169. total都係$548仲要包郵. 平荷花一半有多.
5月13入錢, 5月14寄貨, 5月16收貨, 今次遲左一日, 不過可能太多單.

都係果句早買早享受, 以我經驗, 我應該11w就要買. 其實每個人唔同, 如果瘦唔洗咁早買, 如果肚大一定要早用.

《13w6d》TST Langham place Afternoon Tea

《13w6d》今日mother day, 呀妹一早問我去邊間食afternoon tea. 我推介TST Langham place, 因為之前食過, 平靚正.

今日叫左2人份量, 點知水準大不如以前, 老實講我唔會用咁既價錢來食, 埋單$6xx
一d都唔抵, 不過mother day冇計啦!!

今日終於同呀媽講我有左蝦條, 真係比我估到, 轉頭佢將哩件事周圍講. 我最唔鍾意佢唔可以保守秘密. 所以我想定左先講, 再加上我個肚現型冇得唔認啦!!!

《13w4d》bbcare講座

《13w4d》下午去私家產檢, 林醫生今日終於見到蝦b係蝦條定蝦片.
哈哈~~係唔係好想知呢? 等下次個po開估啦!

去完產檢, 就參加bbcare講座, 仲比蝦餅鬧我, 今次禮物超cheap
我唔知架


本來相約左媽媽會既媽媽一齊聽, 但我遲到.
椰子媽起mother care買3送1既防妊娠紋膏, 即$59好抵, 佢仲讓左一支比我.

《12w2d》W Hotel afternoon tea

蝦b過左probation, 蝦媽當然要同自己最好既朋友同blogger宣佈. 暫時蝦媽唔會起fb公布.
當日大家見到我, 話我似4-5個月, 可能蝦b吸收得太好, 攪到蝦媽成日嘔又食唔到野.

踏入第3個月, 開始好多人讓坐比蝦媽坐, 蝦媽都好安慰有好心既香港人

《12w》美贊臣講座

4月29日《12w》美贊臣講座好抵讚, d禮物比我想像中好.
個講座老實講有少少悶, 我仲一路玩whatsapp, 一路做其他野. 完全冇聽過個醫生講野
反而到營養師講野, 我就有聽. 佢分享左餵母乳應該有咩要食, 有咩唔食得.
三文魚, 鮮奶, 波菜都岩食.
內臟, 乳鴿, 酒都唔可以食.

禮品有: pampers nb x10塊, 80塊濕紙巾, 二本雜誌, 保濕乳霜, 包被, a+走路袋, 媽媽奶coupon, 紗巾, 一套bb仔衫, 口水肩   禮品真係好正呀!!

《11w6d》baby plus胎教機 + 鴻福堂保溫杯

4月28日《11w6d》未有之前已經諗住將來有一定買baby plus. 上網見過ecosway有得買.
點知我去大角咀果間, 居然同我講永遠都唔會出, 其他分店都唔會有.
好在蛇媽會有媽媽報告SSP ecosway 有得買, 於是我同蝦餅一齊去, 最終買左返來, 要18W先用得. 仲未有時間睇說明書. 而加買左, 諗住第2胎都可以用. 有少少預告: 希望第2胎係羊B.



哩個保溫杯我睇中左好耐, 一早已經起鴻福堂買Coupon, 要指定日子同地點內換取.
鴻福堂哩隻保溫杯有2個款, 而我鍾意哩個夠colourful.
蝦餅驗貨時都覺得哩個design very good
我諗住入院時用, 可以放代茶.

《11w5d》孕婦內褲

4月27日《11w5d》個肚越來越大, 忍唔住要開始買孕婦底底, 去淘寶睇同香港yahoo action差唔多價, 所以決定香港買.
我target係一定要調節扣鈕式同多色, 唔想買分XL, L, M. 一陣買返來唔岩著邊個著.
比我搵到哩個賣家, 買一條$15, 2條$28. 問左好多媽媽意見, 買4條差唔多. 但我想for埋第2胎, 所以一次過買6條(藍x2, 粉紅x2, 橙x2). 暫時我都係開左4條用, 2條係spare.
http://hk.f1.page.auctions.yahoo.com/hk/auction/b22285496?u=kam08092004&actsrch=srp3

因為只可以平郵, 所以價錢係, $14x6 + $8.2(postage) = $92.2
4月23入錢, 4月24寄貨, 4月27先收到. 其實都幾慢.

質量幾好, 最鍾意調節扣鈕式, 著到生都得.

《11w3d》六甲村活樂枕

《11w3d》話說蝦媽肚大大, 條腰超痛, 所以決定要買個枕頭. 有媽媽介紹六甲村活樂枕.
一來可以for 餵奶, 二來而加我可以用, 可以減少腰痛. 聽說只有活樂枕唔會變型, 非常好.
於是我就早買早享受既心態, 來一個團購. 
 
咁岩比我遇到個台灣賣家, 非常好, 團購價: 活樂枕$279, 替換套$90. total都係$369仲要包郵.
4月23入錢, 4月24寄貨, 4月25收貨. 一日就可以收到貨, 真係大讚

《10w5d》雀巢講座

4月20《10w5d》今日雀巢講座係for會員. 其實有少少激氣. 原於我4月頭時諗住去非會員既雀巢講座, 點知雀巢職員話我一早已經係會員, 到而加一張卡都未寄比我, 我自己都唔知做左會員. 於是該名職員叫我去4月20日for會員既講座. 由於我係緊張大師, 前1-2日都未收到call同msg, 我自己親自打上去問, 雀巢職員又話check唔到, 又話冇問題, 叫我去.

於是我今日去左啦!!點知~~~~原來個list係冇我個名, 我既無名火令我想complain果幾個職員, 雖然最後話比我入講座, 但心有不甘.

講座第一個醫生連講錯幾樣野, 點解照住mon都可以講錯, 仲要hardsell自己係xxxxxx醫生
sorry, 一d都唔覺, 最好笑佢話中文好難讀, 咁你可以讀英文既, 但我又唔覺得你讀英文又幾好lo!!
到第二個講者, 雖然人地唔係醫生, 但講既野比個醫生準確度高出幾陪.

禮物方便, 除左Merries既片片, 我比較鍾意, 其他我都覺得麻麻.
Mustela一set得4支, 比kinetics講座少好多樣野.


如果雀巢再有講座, 我諗我唔會再去.
去多幾次kinetics好過.

《10w4d》第一次去QE見助產仕 + 見林醫生

4月19日《10w4d》第一次去QE見助產仕, 8:15去到, 點知原來要8:30先開門, 於是去左4樓登記, 再度高, 磅重, 聽姑娘講左少少流程就去見助產仕. 主要問我同蝦餅, 我地屋企人既病歷, 職業. 助產仕仲對Cabin crew哩一個職業好感興趣. 最後佢安排左d 檢查schdeule比我

5月6《13w》Oscar
6月17《19w》產檢
7月13《22w5d》結構
因為家族冇糖尿病所以唔洗飲糖水

見完助產仕, 去2樓抽5筒血就走得人. 成個過程around 一個鐘到.

走出QE見到幾個呀E叫我填form拿禮物, 其實果幾個機構既form我一早填完又填, 填左好多左

上午睇完QE, 下午再去睇林醫生. 今日蝦媽同蝦爸又可以見到蝦B啦!!!佢真係好得意, 林醫生一照蝦B時, 蝦B就郁身郁成, 蝦爸仲幫蝦B拍左個人寫真. 主要林醫生睇我既水囊有冇好轉, 我仲同林醫生講左QE既期. 佢話22W遲左少少, 叫我保險少少出去私家睇一睇, 再政府睇多一次.

於是我見媽媽會既媽媽介紹黃健新, 都真係幾平$1200包report. 但姑娘同我講到明睇蝦b既心臟會mo查查, 血管睇唔到, 問我介唔介意, 其實佢咁樣講, 我有少少驚. 有朋友介紹左個權威醫生比我@林勇行, 要$2000, 雖然貴左少少, 但佢照結構非常快, 10分鐘就攪掂. 我而加都1516中... ...
 

《9w5d》BBcare + huggies講座

4月13 《9w5d》其實我今次去哩個講座係為左Huggies既片片, 否則都未必去.
哩排去得太多啦!! 我數過, 到目前為止, 我已經拿左80塊片片, 分分鐘我唔洗再買NB片片

今次Huggies既禮品一樣,
20塊NB 0碼片片, 2塊NB 1碼片片, 一包濕巾, 輕便紙巾, 同護墊

講座都學左少少野, 可以分享下.
JB 同 NB片片分別
JB係just born for 7磅以下既bb
NB係for 8磅以上既bb

同埋教左我地diy 卡紙比bb視覺用. (滿月後第一日可以玩)
首先整1-21既黑點卡, 同1-21既數字,
之後將同一個黑點同數字背對背貼住. 一日一張卡, 每日10次比bb睇黑點果邊, 一次around 5-10秒, 同佢講1. 值至4 around就完成

哩個我諗我會做.

《9w4d》kinetics講座

4月12《9w4d》去完產檢醫個肚就去聽kinetics講座. 是次講座多謝yen提我打去比
kinetics做後備, 我先有得參加.
禮品比想像中仲差咁20塊huggies NB片片

有2 set牙刷 (唔知係唔係放多左1set比我), 2塊紗巾, 思詩樂濕棉X2片, 思詩樂潔淨棉X6片, huggies NB X4, 一包濕巾, 輕便紙巾, 同護墊, 魚油丸 3粒, Mustela 一set岩bb同媽媽用, lactacyd x1支


除左哩d禮品, 仲有一張coupon去返kinetics clinic到換, 有$600禮品.
禮品原來好正, 有A+既袋(我會當走佬袋, 好正, 夠哂大), A+奶粉 x2罐, 包被 x1 (我已經有2張, 可以唔洗買), 衫仔一套, 紗巾x1, 媽媽奶粉coupon x1

講座內容滿意, 主要講bb出世要打幾多支針, 原來政府只係包4支, 其他要自己出去私家打, 我決定bb展會買埋打針package