其實一值都見到好多BLOG友都對自己攪既WEDDING 有感而發
我終於深深地體會
由我hold我地既wedding開始, 已經有人ban.
我好想講好耐啦!!我地既wedding係for我同我男友, 而唔係for d賓客lo!!!
佢地唔需要雞蛋裡挑骨頭
如果唔滿意, 唔好意思, 哩個係我style, 或者你自己hold一個岩你既wedding~~
1) 由於我同我男友相識唔係太耐已經話結婚, 好多人都問我 或問我男友, 你唔拍耐d先結婚, 哩個真係岩你ga la?? 講真, 我地岩唔岩, 唔關你地既事. 你地又幾清楚我地呢??
就算比你拍3年, 6年, 10年夠長啦呱, 未又係散. 我地係成年人好清楚自己需要d咩, 唔係細路仔玩泥沙lo. 夠有人結婚果一日先知道對方係邊個啦, 到而加未又係老夫老妻. 我99就係一個好例子
2) 我起旺角道煌府擺酒好雜, 好唔方便. oh my god~~~起旺角都叫唔方便, 唔通要起將軍澳, 西灣河, 天水圍就方便. 旺角其實已經算係一個中心點~~如果講雜, 其實道道都雜ga la,咁不如你唔好出街, 唔好去旅行啦!!!留起屋企仲好啦!!!
3) 我之前試過幾次妝. 但係d人都有意見. 好似coco & christy幫我試妝咁.
好多將會結婚既新娘都覺得好trendy, 好型, 好靚, 但係有人覺得太過古怪
4) 前日影pre-wedding既kitty & daniel 花球
唔似hello kitty & daniel??? 好似一舊野??
下~~用花整出來算係咁啦!! 你咁叻, 一係你整一個比我呀!!! 我睇下你又有幾似.
我覺得yume flower shop整得好好, 如果唔係, 都唔會咁多新娘花費而買佢地既花球
其實我相信每個新娘都好似我咁, 整得出來既野, 都係好想得到別人既認同. 但相反當聽到有意見時, 都會唔開心~~睇化左, 我鍾意就得ga la!! 唔需要理d冇taste既人
5) 我租駕紅色london taxi同褂撞左色. 如果有問題, 都唔會有車出租啦!! 點解d人唔可以諗得正面d呢, 紅色london taxi好意頭wor, 紅過發紫.
其實我都好鍾意同blogger 吹水, 起碼大家hold既婚禮, 大家都知道需要d咩?
而一d未結婚又或者幾年前先結婚既人往往會覺得我地做既野係多左
好似幾年前先結婚既人hold既wedding係比較簡單, 唔會咁講究. 用set頭做example, 佢地係唔識 或者唔知道有台式set頭, 只會set港式. 隨住時化改變, 而加已經好興set 台式頭
又好似未結婚既人咁, 我set左d特別少少既頭. 佢地就話唔靚, 好似平時人地結婚果d好多. 唔該, 我唔想做copy cat, 我想有自己既style. 唔通人地set kelly頭, 我就要set ga la!!
我相信每個新娘都想unique, 如果唔係都唔會哂7千或以上搵sum sum , sum wong, ada, may chong化妝啦!!
以上既內容唔係講blogger, 係我身邊既人
